Freyd�s - Fr�ttir

H�karl � netin

Sun, 15 Jan 2012 17:48:00 +0000

þegar verið var að vitja netanna í dag var hákarl í einni trossunni. Hákarlinn sem var 350 kg kom í endann á trossu og var hann lifandi og því frekar erfit að koma á hann böndum þar sem áhöfnin telur aðeins 1 mann en það hafðist þó fyrir rest. Annar afli í dag var um 1200 kg. mest þorskur

Bjarnarnes �s selt

Wed, 21 Dec 2011 23:49:00 +0000

Nú hefur verið gengið frá sölu á Bjarnarnesinu farþegabát Sigga Hjartar kaupendur eru eigendur Borea Adventures og hyggja þeir á áfram haldandi rekstur á bátnum í farþegasiglingum frá Bolungarvík óska ég þeim velfarnaðar með kaupin.

Fer�alok

Mon, 10 Oct 2011 18:50:00 +0000

Ferðalok er titill sem nota má á þær fréttir sem ég flyt hér, ákvörðun hefur verið tekin um að vera ekki með farþegaflutninga á Sædís ís 67 næsta sumar. Til skoðunar er að bjóða upp á flutning á vörum (trússi) ef eftir verður óskað.
14 ár eru liðin frá því að ég fór fyrstu ferðir með farþega í atvinnuskyni, síðan þá eru ferðirnar orðnar margar bæði frá Bolungarvík sem og Norðurfirði. Í þessum ferðum hef ég kynnst miklum fjölda af skemmtilegu fólki innlendu sem erlendu og átt gott samstarf við marga. Vil ég hér með koma á framfæri þökkum til þeirra sem og samstarfsmanna og aðila sem hafa verið mér samferða í gegnum árin.
Reimar Vilmundarson

S��asta fer�

Sat, 30 Jul 2011 17:00:00 +0000

Síðasta ferð frá Norðurfirði verður væntanlega 31/7, frekar leiðinleg veðurspá er fyrir vikuna og því fáir á ferð og útlit fyrir að ekki verði sjóveður suma daga þannig að gert er ráð fyrir að sigla Sædísinni vestur til Bolungarvíkur fljótlega .

S��asta fer� sumarsins

Mon, 04 Jul 2011 22:23:00 +0000

Áætlað er að síðasta ferð sumarsins frá Norðurfirði verði 7 ágúst og þann dag sigli Sædísin heim til Bolungarvíkur.
Eins og staðan er í dag er ekki áætlað að vera með siglingar frá Norðurfirði næsta sumar.

Fr�ttir af fer�um

Mon, 27 Jun 2011 11:00:00 +0000

Ekki er nú veðurútlit gott fyrir norðurstrandir og er fólk beðið um að skoða veðurspár og vera í sambandi með ferðir.
Kveðja Reimar 8936926
ferð í Reykjarfjörð er áætluð um kl 12 á fimtudaginn 30/6

Sigmar �s kl�r � fer�ir

Fri, 17 Jun 2011 10:28:08 +0000

Nú hefur endurbótum á nýja skipi okkar Sigga Hjartar, Sigmar ís 81 verið lokið og er hann orðin klár í ferðir ,myndir af bátnum og sjósetningu má sjá í myndasafni.Bendi fólki á að best er að bóka tímanlega og fá upplísingar um ferðir hjá Sigga S:8923652 eða Reimari 8936926

Fr�ttaleysi

Sun, 29 May 2011 13:45:00 +0000

Nú verður síðuhaldari að játa á sig að hafa ekki verið nógu duglegur að færa inn fréttir af því sem er að ske hjá þessari útgerð. Mikið hefur verið að gera og mikið skeð síðan síðasta færsla var sett inn. Grásleppuveiðum er lokið og gekk sú vertið vonum framar miðað við aðstæður og skilaði vertiðin um 76 söltuðum tunnum og var allri grásleppu landað á markað sem er mikið framfararskref. Í einni ferð okkar norður á víkur að draga netin sáum við ísbjörn í Hælarvík sem frægt er orðið. Því miður voru þau verkfæri sem til þurftu, til að kasta kveðju á bjössa ekki með í ferðinni þannig að kalla þurfti til aðra spesialista til að bjóða hann velkominn.
Af ferðaþjónustunni er það að frétta að Sædísin er orðin klár í ferðir og komin með haffæri til þess, ótrúlegt en satt að furðuvel gekk að fá haffæri þetta árið og búið er að fara 2 ferðir hér fyrir vestan nú þegar. Nýji báturinn Sigmar Ís er nú inn í skemmu Sigurðar meðeiganda, þar er verið að sjæna hann til fyrir sumarið. Vonumst við til að hann verði klár um miðjan júní ef vel gengur. Pantanir í ferðir hjá okkur streyma inn og eru sumir dagar orðnir mjög setnir sérstaklega hér fyrir vestan. Framundan næstu daga eru flutningaferðir á dóti bæði í Furufjörð og Reykjarfjörð og búið að fara eina í Aðalvík .
Ekki tókst að fara norður í bjarg til eggjatöku vegna veðurs þetta árið og eru margir örvæntingafullir yfir því að fá ekki eggjaskammtinn sinn í ár.

Við Sigurður minnum enn og aftur fólk á, sem ætlar að nýta sér þjónustu okkar í sumar en er ekki búið að panta að drífa í því

Gr�sleppuvinnsla Freyd�sar sf

Wed, 16 Mar 2011 20:36:00 +0000

Nú styttist óðum í að grásleppuveiðimenn hér fyrir vestan hefji veiðar. Af því tilefni voru veiðimenn boðnir í heimsókn í nýja grásleppuverkun Freydísar sf að Hafnargötu 12 í Bolungarvík. Þar er fyrirhugað að bjóða veiðimönnum að láta verka fyrir sig sín hrogn óháð því hvaða kaupendur menn semja við, einnig voru ræddar horfur sölumála. Verkunarstjóri verður Hálfdán Sveinbjörsson

fr�tt af bb.is

Sat, 12 Feb 2011 17:53:00 +0000

Vilja fullnægjandi farþegaaðstöðu við Bolungarvíkurhöfn

Ferðaþjónustuaðilar í Bolungarvík hafa óskað eftir því við bæjaryfirvöld að sett verði upp farþegabryggja í bænum. „Þar sem mjög mikil aukning hefur orðið á farþegafjölda sem fer um höfnina á hverju sumri, er fyrir löngu orðin þörf á að skapa fullnægjandi aðstöðu til að taka farþega um borð," segir í bréfi frá Sigurði Hjartarsyni og Reimari H. Vilmundarsyni fyrir hönd ferðaþjónustuaðila í Bolungarvík. Þar kemur fram að allt stefni í að um 4000 manns fari um höfnina næsta sumar. „Þetta er vaxandi atvinnugrein og það þarf að hlúa að henni. Nú eru jarðgöngin orðin að veruleika og þeir sem voru hræddir við hlíðina fara að láta sjá sig. Sigling frá Bolungarvík er mun styttri en t.d. frá Ísafirði og þetta tala farþegar um sem góðan kost og fleiri og fleiri velja að fara héðan."

Í bréfinu segir að félagarnir hafi notið góðvildar olíufélaganna varðandi upp- og útskipanir en núverandi löndunaraðstaða geti ekki gengið lengur. „T.d. eru bryggjurnar olíumengaðar og oft uppteknar vegna báta sem eru að taka olíu. Einnig veitist farþegum erfitt að finna hvar bátarnir eru þar sem ekki er hægt að auglýsa aðstöðu sem við höfum ekki lögsögu yfir. Við munum fúslega greiða farþegagjöldin þegar boðlega aðstaða verður að veruleika, enda myndu þessi gjöld hugsanlega greiða kostanð við uppsetningu aðstöðunnar á 4-5 árum."

Þá leggja félagarnir til staðsetningu fyrir nýja bryggju. „Væri ekki hagkvæmast að staðsetja slíka bryggju þar sem báturinn Garðar liggur, þar yrði mest pláss fyrir e.t.v. 20-30 manna hópa að athafna sig, svo ekki þrengi að annarri umferð."

Félagarnir hafa kannað hvað sé í boði af notuðum og nýjum bryggjum. Kom þar í ljós að notaðar bryggjur virðast ekki vera á lausu en tilboð barst frá fyrirtækinu Króla en í því felst að tilbúin bryggja á flutningstæki í Reykjavík kosti tæpar 2,7 milljónir króna með sex metra landgangi. Hafnarstjórn tók vel í erindið og fól hafnarstjóra að afla tilboða í farþegabryggju í samræmi við umræður á fundinum.

thelma@bb.is